Ama, behar zaitut hondartzan ikusi lasterka,
magia egite denborarekin.
Eta pijama hutsean errepidetik zuri so,
olatuen merengea begi-ninietan.
Film hartako oreintxoa nauzu,
zuretzako eguzki-betaurreko bila merkatu txikian.
Hegazkin batek, ordea, urrun daramatza
evax, belcor eta margaret astor kargamentuak.
Ama, behar zaitut barreka ikusi hondartzan,
eskua eskuan,
eguerdi gordinean.
"Bitsa eskuetan"
